Hallo, i bin en ufgstellete, kontaktfreudige Mänsch, sehr humorvoll und hilfsbereit, i gwüssne Situatione eher chli schüüch und zrughaltend, für mini Fründinne/Fründe, Kolleginne/Kollege, immer da, han immer es offnigs Ohr! I bin nid sones Party-Girl. Gang eigendli nur wänn än bestimmte alass i dä Oschtschwiiz isch!!

Ich chum vo St.Galle, öppe 15 Minute vo dä City entfernt.
I bin Hauptsächlich uf dä Suechi nachere Kollegin, woni mal chli öpis cha unternäh. Bin vor 2 Jahr da ane züglet und ha dä aschluss no nid so gfundä. I bi knapp 24gi, verhüratet und im August chumi mis erschte Chind über. Min Maa gaht ebä na viel (mind. 1x/Wuche) ohni mich weg und mi gurkts langsam ah ewigs ällei die heime ds hocke!! Also für Kino, en luschtige Fraueabig, irgend en Kurs oder eifach nur quatsche bini immer ds ha. S'Alter isch mir eigendli rächt egal, cool wärs wännd au vo dä Umgäbig St.Galle-City würsch cho. I bin Mobil, han aber au kei luscht ewigs, wänni öpis wett unternäh zerscht ä Stund i dä gägend ume ds kurvä !!

also Mädels mäldet eu!! Freu mi riesig druf!!

A alli Jungs, ihr dörfed natürlich au schriebe, allerdings isch ä Beziehig und oder Uusgang so giet wie usgschlosse. Sorry.
Ganz liebi grüessli