Seelächrieg - Wenn ds Füür nümm brönnt

I luege uf d Strass, u gseh Geischter wo loufe, gseh wunderschöni Froue wo sech
für Gäud verchoufe, Polizischte wo sech müesse a Pflichte haute, auti Lüt wo
ihres Läbe i Erinnerig bhaute, d Jugend vo hüt wo ke Ahnig hei vo Regle, u ihri
Aglägeheite aui mit dä Pfüüscht regle, wo rede u merke das Ehrlechkeit nüt
bringt, Instinkt, gseh wi ihres Schicksau winkt, ä verlogeni Gseuschaft wo
schafft ohni Chraft, ä Wäut vouer Lüge Vorurteil u Verdacht, mir hei gmacht
was si vo üs hei verlangt, si wei immer meh aber wo blibt dr Dank, si stüre
üses Läbe a dä Fäde vor Macht, bis ihri chlini Wäut irgendeinisch zämekracht,
u a däm Tag wird z Füür erlösche, u irgendöpper wird üs vo dä Pflichte erlöse

Ds Füür brönnt nüm - üsi Härze si läär
Ds Füür brönnt nüm - u Gedanke wärde schwär
Ds Füür brönnt nüm u mir au kenne d Gründ
We ds Füür nüm brönnt gömer aui vor d Hüng

Di hütigi Jugend plädiert uf ihri Freiheit, aber si randaliert u vermiest ihri
Freiheit, scho mit 13ni wird kiffet u gsoffe, si mache eifach aues o wemes het
verbote, di Trottle wo Trends nacheseckle uf ewig, mä chönt nes erkläre aber
die checkes eh nid, gseh nid, was si aus arichte, das si Sache woni jede Tag
atriffe, Lüt wo sech dür aues u jede lö lä stüre, Lüt wo sech vo au dene Regle
lö la stüre, d Morau wird aut u d Schulde si zaut, u z Warme wird chaut u d
Gedanke si z aut, mir häbe üs fescht a irgendweuche Ideau, was für mi dumm isch
isch für öich ideau, z Füür brönt abe u dr Räge chunt abe, we ds Füür nüm
brönnt isch für üüs Füürabe

Ds Füür brönnt nüm - üsi Härze si läär
Ds Füür brönnt nüm - u Gedanke wärde schwär
Ds Füür brönnt nüm u mir au kenne d Gründ
We ds Füür nüm brönnt gömer aui vor d Hüng

Das isch üsi Gseuschaft wo isch üsi Hoffnig,
Mir warte uf Tröim wo scho lengschtens verbockt si