Heeyey
Du bisch do gad ufäm Profil vonärä verträumtä jungä Frau glandät, wo gern und fascht z'viil über alles mögliche nodenkt und sich uf dem Weg erhofft Lüüt kennä z'lernä, wo sie diä Gedankä cha teilä.

Grundsätzlich nimm ich jedä Mensch so, wiän är isch, ganz egal, was dä für ä politischi oder religiösi Iistellig hät. Ich tuä gern zuälosä und hilf bi Problem, aber ich chan andernä Lüüt au zimli d'Birrä vollquatschä. Bi halt offä und i schätz äs natürli au, wenn mer mir zuälost und mir chan Rotschläg geh.

Natürli gits Lüüt, woni chli meh Müäh han. Da wäräd zum Bispiil:
-Sönigi, wo ständig am schmarotzä sind und alläs für selbstverständlich haltäd
-Lüüt, wo immer mönd zeigä, wieviil Geld, dass händ
-Mannä und Typä, wo eifach allnä Meitlä hinänopfiffäd, blödi Sprüch mönd riissä und grad afönd grabschä
-Diä Wiiber, wo sich no vo sönigä Idiotä amachä lönd
-Dauerbekiffti, so dass mer kei aständigs Gspröch meh cha füährä
-Sönigi, wo anderi mönd in Bodä inä ziäh, nur dass sie sich überlegä fühläd
-Lüüt, wo kei Kritik verträgäd oder nöd chönd zu ihrnä Fehler stoh
-Sönigi, wo anderi probieäräd z'beiiflussä, vorallem, wenns drum goht, weli Person mer nöd mag und wöt fertigmachä
-Lüüt, wo eifach strohdumm sind, sorry

Wiä scho gseit, bin ich fascht immer am nodenkä und somit au sehr hüfig am nüt tuä, obwohl ich än üsserst undernehmigsluschtigä Mensch bin. Mini liäbschtä Beschäftigungä sind:
-mini Kolleginnä ufäm Laufendä haltä und umgekehrt
-in Wald oder an Fluss go
-momentan min Job (Lehr als Restaurationsfachfrau = Service)
-in Usgang go und neui Lüüt kennä lernä
-mich stylä und mich nocher im Spiägel betrachtä
-mis Wüssä uffrischä, vor alläm i denä Bereich, wo mi interessiäräd
Diä wiederum wäräd:
-Biologie, Zoologie, Paläontologie
-Umweltschutz
-Esoterik, Okkultismus
-Kelten, Germanen, Nordischi Völker
-Mayas, Azteken, Inkas
-Naturheilkund
-Mythologie, Fabelwesä, alti Brüüch
-Religion (Bi aber selber nöd gläubig)
-und no viil meh

Musig isch mir nöd so wichtig, wiä dä meischtä und i ha vo Musikgschicht und was Interpretä agoht au nöd bsunders viil ahnig, gibi ganz ehrlich zuä. I los selber fascht niä musig, i cha gnuäg bi andärnä mitlosä. Wani denn aber am liäbschtä ghör isch:
-Pagan, Viking, Folk
-allgemein Metal, solangs no gnuäg Melodie hät
-Gothic-Rock
-allgemein Rock und Punk
-mittelalterlich und keltisch tönänds, wo au chli ruhiger dörf si
-Pop und Klassischäs, so hin und wieder
-Drum-Base und Hiphop z.B. wenni tuä ufruumä
und weniger oder gar nöd:
-so Techno und Electro Zügs
-'Ginxta'-Hip Hop
-House, usser zum tanzä, denn isch's okee
-Schlager! I chas nümä ghörä...

Zum Schluss gits no äs liäbs Grüässli und än Gedankä a…
-alli, wo mi persönlich kennäd und mich nöd vergässä händ.
-diä liäbä Menschä, wo mir i irgend änerä Wiis mol gholfä händ.
-alli, wo mi scho immer akzeptiert händ, so wiäni bi.
-alli, wo mi früähner gern fertiggmacht händ und mittlerwiilä iigseh händ, dass da zimli dänäbäd gsi isch.
-diä, wos immer nonig iigseh händ, mir immer no dumm hinänorüäfäd, mich blöd afiggäd oder hinädurä über mich abälönd. A diä no zuäsätzlich d’Hoffnig, dasss sie sich no ändärä werdäd.
-alli Mannä, wo mol was mit mir gha händ oder sich was mit mir hettäd chönnä vorstellä.
-alli diä, woni leider mol enttüscht oder verletzt han. Leider chanis nöd rückgängig machä.
-diä Menschä, bi denä ich mi scho lang mol het söllä meldä, äs aber niä gmacht han.
-alli, wo scho mol z'Saas Fee gschaffät händ.
-alli, wo gern Zug fahräd und diä wo mich scho per Autostop mitgnoh händ!

I chönt no viil meh schriebä, aber meld di doch eifach, wenn no meh wötsch erfahrä oder denksch du wörsch dich no guät mit mir verstoh.
Bybyee